Прес конференција на советничката група на ВМРО-ДПМНЕ ОК Куманово.

Да, точно е тоа дека ние од ВМРО-ДПМНЕ во Куманово сме веќе “пред вратата” на Општината, а на наредните локални избори и официјално ќе влеземе внатре, бидејќи на граѓанитена на Куманово им е преку глава од самоволието и недомаќинското работење на СДСМ и градоначалникот. Токму поради тоа е ваквото нервозно однесување на претседателот на Советот, кој веќе подолго време има двоен аршин во начинот на водење на седниците, а посебно во давањето простор за реплики и контрареплики и во однос на должината на дискусиите на советници од ВМРО-ДПМНЕ и СДСМ, а посебно на градоначалникот. Деловникот е тој кој мора да се почитува и тоа подеднакво за сите, бидејќи сме тука да ги браниме интересите на граѓаните- изјави Бобан Николовски.

Прес конференција на г. Мирослав Стојановски, Претседател на ОК на ВМРО-ДПМНЕ во Куманово Петок, 09 Март 2012

   Почитувани,

Скандалите со ЈП Водовод и кумашинот на градоначалникот не престануваат.

Имаме сознание дека при финансиска контрола извршена во ЈП Водовод е утврден недостаток на парични средства во досега непозната висина, поради што е суспендиран и благајникот од работа. Градоначалникот како нај повикан и нај одговорен за функционирањето на локалната самоуправа но и како одговорен за назначување на директорите на јавните претпријатија, должен е да одговори:

Каков криминал се крие во оваа претпријатие?

Така ли треба да располага и управува со парите на граѓаните на куманово?

Не ли мисли дека граѓаните треба да знаат како се располага и управува со нивните пари во оваа јавно претпријатие?

Претпријатието работи со загуби веќе подолго време, има над 50% загуба на водата во дистрибутивната мрежа, плаќаме најскапа вода во Р.М., повеќе од три месеци има делови од градот без водоснабдување и тн.

Но и покрај сето ова и покрај катастрофалната состојба на ЈП Водовод, се шпекулира дека ова јавно претпријатие се јавувало како спонзор на кошаркарскиот клуб Куманово, одржувало и опремувало станови за кошаркари и сл.

За да биде парадоксот уште поголем, претседател на кошаркарскиот клуб Куманово, е замислете, директорот на ЈП Водовод и кумашин на градоначалникот Виктор Божиновски.

Советничката група на ВМРО ДПМНЕ веќе 3 години укажува дека оваа јавно претпријатие заслужува санациона програма и оставка од директорот и воедно кумашин на Градоначалникот.

Градоначалнику,

Што треба уште да им се случи на Куманово и на кумановчани за да не ги држите во заложништво на вашите празни политики и демагогии и на вашиот кумашин Виктор Божиновски.

Мирослав Стојановски, раководител во подрачната единица на Фондот за пензиско и инвалидско осигурување е новиот претседател на општинскиот комитет на ВМРО-ДПМНЕ во Куманово.